Outro ano máis conseguimos poñerlle un broche de ouro a todo un curso dedicado altruistamente á ciencia. O luns 16 de xuño a rapazada que traballou no club de ciencias explicoulle ao resto o que estiveran facendo durante todo o ano.
O grupo que se dedicou a analizar a calidade da auga explicou moi ben como determinar o osíxeno disolto que contén, a dureza que presenta ou os cloruros que hai nela.
Os das bombas de auga causaron furor entre a rapazada, tanto polo entusiasmo amosado na preparación
como polas explicacións...
Ou as probas de "relaxación" terapéutica que lle permitían ofrecer as burbullas desprendidas...
No taller de tecnoloxía puideron xogar ao quén e quén
e tamén practicar un pouco cos robots
A mesa de papiroflexia foi tamén moi demandada, ata o punto de que os grupos intentaban probar as diferentes figuras e colapsaban os tempos de exposición...
E por último, na aula de "música", o grupo de 3ºESO, xa todo un veterano nisto da investigación científica, xa que levan 3 anos gañando premios e mencións no concurso de SGAPEIO, presentounos as liñas xeráis do seu traballo arredor do efecto ZEIGARNIK.
A piques de baixar o pano desta "comedia realista" só nos queda agradecer a todos estes rapaces e rapazas que non poñen pegas para facer este tipo de cousas e teñen a habilidade de converter un rato de ciencia nun rato ameno, no que non só aprenden "cousiñas" doutro modo, senón que poñen as bases do xeito de explorar o mundo, aínda sen ser totalmente conscientes dilo.
Grazas de corazón e ata o curso que vén;-)
