O alumnado de 3ºESO xa sabe que chegado o momento de estudar a materia ten una cita ineludible con un tipo de materia moi apetitosa: a dos biscoitos que teñen que facer en grupo.
Este curso 2025-26 os 27 integrantes da clase de 3ºESO repartíronse en 5 grupos e levaron a cabo todo o proceso.
Primeiro elixir receita (A familia sempre é un bo recurso para obter información...¡ai as avoas cando falten...!¿a onde irá todo o seu legado?).
Logo traballar os factores de conversión para transformar as cantidades á unidades de medida axeitadas, punto esencial para calcular o custo do biscoito, claro que para iso haberá que pasarse polo supermercado para ver a como vai o kg de fariña ou a ducia de ovos.
Buff, como para que se che caia un ao chan, ja ja.
O luns 1 de decembro chegou o momento esperado e alá foron todos, alumnado e "cachivachado" ao laboratorio e puxéronse mans á obra.
Durante media hora a actividade foi intensa pero moi coordinada, Traballaron moi ben en grupo
E pouco a pouco esa actividade frenética pero planificada mesturada con olores de diversa índole, con texturas curiosas, con toques de distinción moi logrados...foi dando paso a produtos máis que apetecibles.
E despois de deixar de novo todos os postos de traballo máis limpos que unha patena só quedaba o toque final.
Pero ese está reservado para Vicente, o panadeiro de "Os Corzás" que sempre nos fai o inmenso e altruísta favor de cocelos ben para que queden espectaculares. Como así foi. Comprobádeo vós mesmos:
O resumo é doado de facer:
-Actividade en grupo que motiva ao alumnado e a desenvolve con ganas, resolución de diferenzas para lograr un obxectivo común, exemplo de procesos químicos de importante repercusión na cociña (mesturas, termodinámica, cinética química, acción de lévedos no volume de masa conseguida...), consecución de produtos finais de bo sabor e presentación...e 1,4 puntiños na nota final do trimestre que a algún lle veu de perlas para evitar un tirón de orellas na casa ;-)
En serio, grazas a todos, alumnado, por participar con ese entusiasmo, e profesorado, por axudar a puntuar o sabor e presentación dos 5 biscoitos.
E ata aquí por este ano ¡Ata o próximo biscoito!
.jpg)
