Este curso 2021-22 preséntase como unha mestura de esperanza e incerteza...aínda que esperamos que se acabe impoñendo a primeira á segunda e poidamos desfrutar dun ano tranquilo que nos de pé a realizar algunha actividade paralela co alunado.
Por parte do departamento de FeQ levamos a cabo esta penúltima semana de novembro unha inmersión na cociña, intentando descubrir un ámbito no que a química e a física teñen moito que dicir.
A tarefa que desenvolveu o alumnado de 3ºESO implicou a busca da receita dun biscoito, a confección dun orzamento que nos permitise calcular o custo dun biscoito e claro, a parte máis importante...e interesante: o traballo en equipo para facer ben as mesturas que despois, coa axuda inestimable do noso panadeiro favorito (Vicente o da panadería Os Corzás) acabaron no forno transformándose nuns apetitosos manxares que foron probados por un amplo xurado de alumnos e profesores, cuxas valoracións sobre a presentación e o gusto do biscoito, permitiron determinar se o produto elaborado era socialmente aceptado ou non.
Claramente si o foi, acadando algún deles un lugar próximo á excelencia;-)
O proceso de elaboración foi realizado de xeito moi coordinado
Practicaron diversas técnicas físicas no tratamento de mesturas como o tamizado
a axitación para lograr unha mestura o máis homoxénea posible
proceso no que é importante a velocidade de adición
o traballo cos ovos precisaba de delizadeza porque son un compoñente clave no resultado final
O papel dun bo lubricante no molde tamén foi analizado
O traballo en grupo foi valorado, sendo un compoñente fundamental na nota obtida na tarefa
Deste xeito o resultado non podía ser outro que un éxito...aquí esta a proba
Así que había que celebralo...non era para menos
Temos que felicitar a todo o alumnado porque o traballo foi de calidade, traballaron ben en grupo, excepto situacións puntuais ben resoltas pola súa parte, fixeron diversas hipóteses arredor de qué podía ter que ver a FeQ con isto de facer un biscoito, presentaron uns bos orzamentos, estruturados e detallados, e finalmente conseguiron uns produtos de gran sabor, sobre todo 3 dos 6 grupos, que os fixeron merecedores das louvas da comunidade escolar.
En todo este proceso da realización da tarefa temos que dar especialmente as grazas a Vicente, da panadaría Os Corzás de Mugardos que moi amablemente se prestou para proporcionarnos a calor necesaria para levantar esas masas elaboradas polo alumnado, no seu forno industrial. Parte do éxito dalgún deles débenllo a el que soubo retirar do forno no momento axeitado cada un dos produtos.
Toda esta actividade podémola observar desde un punto de vista distinto se lle botades unha ollada aos fisiquiños que preparamos con ela no seguinte enlace
No hay comentarios:
Publicar un comentario