Durante este primeiro trimestre de curso levamos a cabo o que se está convertindo nun clásico do centro: o concurso de cifras e letras, organizado polo departamento de matemáticas.
Desta volta foron os propios alumnos de 2ºBAC os encargados de explicarf as normas e regular a competición entre os participantes, que foi alumnado de toda a ESO e de 1ºBAC.
Os de 1º, 2º e 3º competiron entre si e deron o primeiro dos finalistas; Cristian Pico Pena, de 1ºESO A
A segunda saiu das eliminatorias entre os de 4ºESO e 1ºBAC e foi Ainhoa Luces Rodríguez de 4ºESO A.
A final foi "arbitrada" polas profesoras Emma Villar e Begoña Gómez.
Parabéns ao gañador que foi ao final o alumno de 1ºESO...(David vencendo a Goliat?)
E tamén a noraboa a todos os que dunha maneira ou doutra permitiron volver a poñer en práctica un concurso suspendido pola temática COVID e que no centro sempre botamos de menos porque é unha actividade que permite non só poñer a proba a capacidade de cálculo mental do alumnado e as súas destrezas para construir palabras potenciando a súa versatilidade lingüística, senón tamén comprobar a autonomía organizativa do propio alumnado, xa que ata a ronda final foron os que propiamente se encargaron de que tiveran lugar todas as roldas previas.
No hay comentarios:
Publicar un comentario