DOMINO DANCING

Non sei moi ben se no departamento de matemáticas querían rememorar aos Pet Shop Boys e lembrar tempos mellores pero en 1ºESO mataron dous paxaros dun tiro con esta historia.

Por un lado practicaron as operacións matemáticas que implicasen números decimais e fraccións e por outro descubriron que moitas veces iso que parece tan complicado ao mellor non o é tanto se o afrontas dun xeito diferente.

Tratábase de ir construindo asociando axeitadamente fichas como no dominó, emparellando os lados que permitisen comprobar que sabían traballar con decimais e asociar as fraccións a partes dentro dun todo:

Magnífica idea que foi moi ben acollida polo alumnado de 1ºESO que son como esponxas, que o absorben todo

Non só houbo cifras para descubrir a correlación

Senón tamén motivos gráficos, porque as fracción aparecen onde menos as esperas ;-)

Noraboa a Emma Villar, profesora encargado do asunto: misión cumprida.