EMPEZAMOS A ANDAINA DO BIODIESEL

Hoxe empezamos con ilusión e con 6 alumnos e alumnas voluntarios e voluntarias de 4ºESO, unha bonita andaina polo mundo do biodiesel.

Espero que a aventura nos leve por sitios tan interesantes como a exploración bibliográfica, a purificación de compostos, a síntese química, a identificación de sustancias...e moitas máis cousas que nos fagan pensar e decidir en base a criterios científicos.

En definitiva unha pequena aproximación ao apaixoante mundo da ciencia; unhas poucas frustracións...aderezadas cunhas poucas ilusións...perseguindo un obxectivo común: saber como traballan os científicos.

Se de paso podemos transformar algo malo como o aceite usado en algo bo como un combustible para facer funcionar as máquinas...mellor que mellor.

Pero tranquilos, como diría Jack o destripador, imos por partes...se todo sae como queremos, imos ter moitos días para contar, cronoloxicamente moitas cousas.

Hoxe tivo a posta en acción.

Estes 6 valientes presentáronse ás 15:00h no laboratorio de química, cheos de curiosidade e enerxía para ver que lles esperaba.

Pois o que lle esperaba era...

1: Unha presentación do que iamos intentar facer, un pouco de química, sen pasarse, para non agobiar...

2: Unha posta en escea para porse mans á obra.

Cada un trouxo o seu pequeno bote de aceite usado e hala...a traballar.

A primeira fase era intentar quitarlle o máis "gordo" ao aceite, porque nisto dos aceites usados pódeste atopar de todo...así que habería que filtrar. As mostras que trouxeron non tiñan mala pinta e non houbo moito que quitar...pero algo é algo...

Aquí temos a Helena facendo pasar o seu aceite polo tamiz e xa medindo os aproximadamente 250 mL que imos empregar para a primeira proba.

O seguinte paso nesta primeira fase de purificación do aceite usado era extraerlle todo o que puidera conter e fose máis soluble en auga...para iso introduciron o aceite nas súa botellas de plástico:

E a continuación engadir meter nesa botella uns 50 mL de auga, pechar co tapón e axitar enerxicamente para acadar un contacto moi fino entre a fase acuosa e a fase orgánica. Así todo o que puidese estar flotando a nivel microscópico polo aceite fose arrastrado pola auga nesa loita "corpo a corpo" entre ambos disolventes.

Este é o aspecto das diferentes botellas despois deste proceso de extracción tras un repouso de aproximadamente 18 horas.